Ish-Presidenti Bujar Nishani, përmes rrjeteve sociale, shprehet se referendumi i 18 dhjetorit, do ti japë fund sektit Rama-Basha në Partinë Demokratike. “Demokratët dhe shqiptarët nuk kanë kurrfarë dyshimi se rilindasit në pushtet kanë këtë kulturë politike e shoqërore. Regjimi i Edi Ramës mendon, beson e vepron vetëm mbi korrupsionin dhe dhunën moniste. Por të tentosh ti imponohesh një shumice politike përmes kësaj kulture e metode, antisistem, kjo është një tentativë me rrezik të madh. Anëtarët dhe Kuvendi i Partisë Demokratike kanë vepruar e po veprojnë në aktet dhe vendimet e veta politike dhe institucionale në kuptimin e sistemit dhe brenda sistemit”, shkruan Nishani.
Postimi nga Bujar Nishani
Avokatët rilindas të Lulzim Bashës megjithëse e pranojnë se ai është minorancë ekstreme në Partinë Demokratike, përsëri deklarojnë se Lulzim Basha do ta mbajë nën drejtim Partinë Demokratike me procedura burokratike që do t’ia japë gjykata.
E para dhe mbi të gjitha, kjo nuk ka gjasa të ndodhë kurrë.
Pasi që të ndodhë kjo, më së pari burokratëve rilindas do t’ju duhet të zhdukin nga faqja e dheut mijëra e mijëra anëtarë të Partisë Demokratike.
Pra kjo nuk ka gjasë të vijë.
Por ajo që duhet të denoncohet në këtë platformë propagande rilindase ka të bëjë me faktin se edhe lufta e tyre për të mbrojtur e mbajtur Lulzim Bashën si kukull të Edi Ramës në PD, buron nga idea e korrupsionit dhe dhunimit antidemokratik.
Demokratët dhe shqiptarët nuk kanë kurrfarë dyshimi se rilindasit në pushtet kanë këtë kulturë politike e shoqërore.
Regjimi i Edi Ramës mendon, beson e vepron vetëm mbi korrupsionin dhe dhunën moniste.
Por të tentosh ti imponohesh një shumice politike përmes kësaj kulture e metode, antisistem, kjo është një tentativë me rrezik të madh.
Anëtarët dhe Kuvendi i Partisë Demokratike kanë vepruar e po veprojnë në aktet dhe vendimet e veta politike dhe institucionale në kuptimin e sistemit dhe brenda sistemit.
Ata që mendojnë, tentojnë dhe angazhohen që fatin e ekzistencës së Partisë Demokratike (sot opozitës politike) ta nxjerrin jashtë sistemit, po marrin përsipër një përgjegjësi të madhe dhe provokojnë një destabilizim të tmerrshëm social.
Unë personalisht nuk besoj se mund të ekzistojnë koka të tilla kaq të nxehta sa të provokojnë një situatë të tillë agresioni e rreziku, pasojat e të cilës janë të paparashikueshme.
18 dhjetor 2021, Referendumi Historik i demokratëve do ta heqi përfundimisht nga qafa e PD sektin Rama-Basha.
