Edi Paloka, një prej anëtarëve të Komisionit të Rithemelimit të PD, ygjedhur nga Kuvendi Kombëtar i 11 dhjetorit, ka zbuluar detaje nga takimi që ka pasur me Lulzim Bashën, ditën kur ai shpalli vendimin për përjashtimin e Sali Berishës nga Grupi Parlamentar me argumentin e shpalljes “non grata” nga Departamenti i Shtetit.
Paloka shkruan se i ka thënë Bashës se vendimi ndaj Berishës nga DASH ishte jo kundër tij, por kundër PD, për të ulur kokën përballë Edi Ramës. Sipas Palokës, edhe Basha ishte dakort me këtë qëndrim, por më pas ndryshoi qëndrim.
Postimi nga Edi Paloka
Shoh qe eshte bere virale nje video e Andi Bushatit me Bashen.
Te gjithe ata qe nuk e kane pelqyer te verteten qe ka thene Bushati, i jane sulur jo asaj cfare ka thene , po prejardhjes se tij familjare ( megjithese gjithe keto vitet e fundit deri me 25 prill kur Bushati mbeshteste Bashen, prejardhja e tij ishte e njejta)!
Ne fakt ate qe ka thene mbreme Bushati, une ja kam thene Bashes ne zyren e tij , diten qe u shpall publikisht “non grata” e Berishes. I kam thene tekstualisht : “ Ky nuk eshte nje vendim kunder Berishes . Ky eshte vendim kunder teje si kryetar i PD. Eshte kunder ne te gjitheve, qe te ulim koken e Rama te rri i qete!”.
Ate dite Basha ishte dakord me mua dhe ne fakt qendrimi i tij i pare ishte i drejte dhe nuk ndryshonte nga ai i Berishes ; me sillni prova , te mbaj qendrim “.
Prova nuk ju dhane kurre as atij as dikujt tjeter, por Basha ndryshoi qendrim, sic eshte shprehur vete, nen kercenim!
Me tej, pasi Basha shpalli largimin e Berishes nga grupi, ja kam kujtuar cfare i kisha thene, duke i shtuar se keshtu “i shkove pas fijes atyre qe duan shkatrrimin e PD”. Sigurisht ai nuk e pranoi kete, por rezultati eshte i qarte sot!
