Komisioni për Rithemelimin e PD, ka depozituar një kallëzim penal për Vesel Koçiun, kryetarin e emëruar të PD Sarandë.
Sipas grupit të rithemelimit, Koçiu ka ndërruar bravën e derës dhe është larguar.
Ndërkohë Kryetarja e Forumit të Gruas, Manjola Nikollo, në Sarandë, në një deklaratë për mediat është shprehur se kanë bërë kallëzim që t’u rikthehet çelësi, ndërsa ka shtuar se referendumi për shkarkimin e Bashës do të zhvillohet edhe nëse nuk hapen sallat në PD.
“Ashtu siç dihet në mbarë vendin ka filluar një lëvizje që demokratët në mbarë vendin mezi po e prisnin. Më datë 18 dhjetor do të zhvillohet referendumi i një ngjarje historike. Na është ndërruar çelësi i derës së sallës së mbledhjeve, i është mohuar demokratëve që të hynë në shtëpinë e tyre, në shtëpinë e lirisë. Demokratët që kanë mbështetur Bashën sot janë në rrugë. Ne si kryesi kemi marrë një nismë duke bërë një kallëzim penal dhe kërkojmë të na vënë në dispozicion çelësin e ndryshuar. Masat tona ne i kemi marrë, baza materiale është duke ardhur dhe ky referendum dhe pse jo brenda kësaj salle do të bëhet atje në rrugë. Mezi e presin demokratët e Sarandës këtë referendum”, tha Koçiu.
