Është e fundit për 2021-shin! Bayerni do të ketë mundësinë për t’i bërë një mbyllje sa më të mirë këtij viti me një fitore ndaj Wolfsburgut.
Trajneri i skuadrës, Julian Nagelsman, kërkon vazhdimësi pas tri fitoreve të fundit në Bundesligë.
“Wolfsburgu bëri një start shumë të mirë, por tani po kalon një moment jo pozitiv. Por, gjithsesi, mbeten një skuadër e mirë me lojtarë cilësorë. Duhet të kemi kujdes nga kundërsulmet e tyre. Duhet të jemi të përgatitur dhe të mos mendojmë që kundërshtari është në krizë.
Jam shumë i kënaqur me atë çfarë kemi bërë ne në këtë sezon. Nuk kam asnjë plan të veçantë. Të fitojmë ndeshjen e fundit dhe më pas disa ditë ski janë gjithçka që dua të bëj. Të kaloj disa ditë me familjen është gjithçka që dua në këto ditë të veçanta. Dhe sigurisht uroj që pandemisë t’i vijë fundi”, deklaroi trajneri i Bayern Munchen.
