Gjykata e Firences ka caktuar datën 15 shkurt 2022 si ditën e nisjes së procesit gjyqësor ndaj shqiptares 37 vjeçare Elona Kalesha, e akuzuar për vrasjen e çiftit Teuta e Shpëtim Pasho.
Akuza ndaj saj është vrasja e dyfishtë e qëllimshme, fshehje e masakrim të trupave të viktimave.
Për hetuesit italianë krimi është kryer një natë para se djali i çiftit Pasho, Taulant Pasho, të dilte nga burg.
Vrasja është kryer në banesën që Elona Kalesha kishte marrë me qira për qëndrimin në Itali të prindërve të të fejuarit të saj Taulant Pasho.
Sipas akuzës, motivi i vrasjes ka qënë evitimi që Shpëtim e Teuta Pasho t’i rrëfenin djalit të tyre për një shtatëzani e abort që Elona Kalesha ka kryer, ndërsa i fejuari i saj qëndronte në burg.
Çifti Pasho u zhduk në tetor të 2015 në Firenze të Italisë.
Denoncimi për zhdukjen e tyre u bë më 2 nëntor 2015 nga e bija Vitoria, në komisariatin e Castelfiorentino në Firenze, ku ajo banon.
Trupat e Teuta e Shpëtim Pasho u gjetën më dhjetor të 2020, të copëtuar në katër valixhe në afërsi të burgut Solicciano të Firenzes.
Prej dhjetorit të 2021, Taulant Pasho, djali i çiftit Pasho, është rrëzuar nga të gjitha akuzat që e vunë për disa muaj në listën e personave të hetuar për vrasjen e prindërve të tij. /Oranews/
