Reperi Rigels Rajku, i njohur ndryshe si Noizy, është liruar sot nga qendra e paraburgimit në Prishtinë.
Lajmin e kanë konfirmuar burime për Ekspress brenda Policisë, të cilët bëjnë me dije se reperi është liruar pasi ka paguar 2000 euro gjobë.
Sipas vendimit të Gjykatës Themelore në Prishtinë, Noizy ishte i detyruar të mbante 100 ditë burgim ose të paguante gjobë prej 2000 eurosh.
Dy minuta më parë reperi ka publikur në Instastory ku tregonte ndjekësve të tij se tashmë është i lirë.
Reperi është arrestuar mbrëmë nga Policia e Kosovës. U bë me dije se për ndalimin e Noizy-t, ka qenë aktive prej disa kohësh një urdhëresë nga Gjykata. Policia nuk dha më shumë detaje për reperin i cili u kthye nga Zvicra për në Kosovë ku edhe u vu në pranga.
