“Në miniaturë Berisha kopjoi skenarin e Tom Doshit në 21 janar, por unë nuk u përgjigja, siç u përgjigj Berisha në 21 janar”. Kështu u shpreh Basha disa ditë më parë në një deklaratë për gazetarët pas tensioneve që ndodhën në selinë blu.
Këtë të Enjte, në një emision televiziv, Basha tha se me këtë deklaratë nënkuptoi “gjuhën që përdori Berisha”.
Unë nuk përdora fjalën horr, se s’ma lejon edukata, deklaroi Basha.
Basha tha se 21 janari ishte përpjekje e Ramës për tu imponuar me një grusht gangsterësh pas ngjarjeve të videos dhe të krijohej situata ku institucionet të pranonin zgjedhje përmes dhunës.
Unë deklaratën e bëra dhe e shpjegova qartë, gjuha që Berisha përdori, theksoi.
Unë nuk di që Berisha përdori armë, tha ai.
