Reperi Rigels Rajku, i njohur me emrin e artit si Noizy, është shoqëruar mbrëmjen e së mërkurës nga Policia e Kosovës.
Fillimisht, lajmin e ka konfirmuar zëdhënësja e rajonit të Prishtinës, Flora Ahmeti, për Express.
“Mbrëmë në pikën kufitare, në Vermicë nga policia është ndaluar një person, i cili është shoqëruar në stacionin policor Qendra në Prishtinë. Ndaj tij ka qenë aktive një urdhëresë e gjykatës. Zyrtarët policor në koordinim me institucionet përkatëse, po kryejnë veprimet e nevojshme procedurale”, tha zëdhënësja.
Ndërkohë, sipas njoftimit të Policisë, bëhet me dije se për ndalimin e Noizy-t, ka qenë aktive prej disa kohësh një urdhëresë nga Gjykata. Policia nuk jep më shumë më shumë detaje për reperin i cili u kthye nga Zvicra për në Kosovë ku edhe u vu në pranga.
