Trupi i modeles Yasmin Cavalerio de Macedo u gjet duke pluskuar në lumin Maguari në shtetin brazilian Para, një ditë pasi ajo ishte raportuar e zhdukur gjatë një lundrimi me barkë në lumë.
Në pasditen e zhdukjes së saj, modelja kishte shpërndarë një seri fotosh e videosh në rrjetet sociale.
Më pas modelja kishte folur në telefon me të ëmën rreth orës 22.00 por ishte zhdukur rreth një orë më vonë. Nëna e saj e tmerruar kishte shkuar në zonë për të ndihmuar grupet e kërkimit por trupi i vajzës u gjet vetëm mëngjesin e ardhshëm.
“Po merren të gjitha masat për çështjen, duke përfshirë dhe autopsinë që do të përcaktojë shkakun e vdekjes”, thuhej në një deklaratë të policisë.
Një nga teoritë e ngjarjes është rënia nga barka, por autoritetet nuk thanë se sa njerëz po udhëtonin në lundrim apo nëse kishin apo jo jelekë shpëtimi.
Në videot e saj 21-vjeçarja shihet duke pozuar me bikini gjatë pasdites me diell në barkë.
