Lefter Koka mund të mos jetë i vetmi zyrtar shtetëror i arrestuar nga SPAK. Burime nga institucioni i akuzës bëjnë me dije se së shpejti mund të ketë persona të tjerë të venë nën akuzë nga SPAK për korrupsion.
Sipas po të njëjtave burime, përveç inceneratorit të Elbasanit janë duke vijuar hetimet edhe për ato të Tiranës dhe Fierit.
Fax news ka mësuar se hetimet për inceneratorin e Fierit dhe atë të kryeqytetit janë në fazën e fundit, ku dy prokurrët që kanë hetuar prej gati 1 vit e gjysmë, Dritan Premçi dhe Vladimir Mara pritet të bëjnë publike përfundimet brenda këtij viti.
Nga hetimet për këto dy inceneratorë që janë duke u kryer veçmas nën hetim janë vënë të paktën 15 persona, ndaj të cilëve mund të ketë edhe masa sigurie. Tashmë pritet verdikti i SPAK nëse do kemi apo jo arrestime të niveleve të larta.
Ndërkohë, ish-ministri i Mjedisit, Lefter Koka i arrestuar nga SPAK ditën e djeshme për skemën e abuzimit me inceneratorin e Elbasanit pritet të dalë para gjykatës këtë të enjte për t’u njohur me akuzat e ngritura ndaj tij, ajo e “korrupsionit”, pastrimit të parave dhe “shpërdorimit të detyrës”
