Një aksident me vdekje ka ndodhur në aksin rrugor Elbasan-Papër, në fshatin Vidhas.
Një automjet ka përplasur një këmbësor, i cili ka humbur jetën. Viktima është Banush Balla.
“Rreth orës 17:00, në aksin rrugor Elbasan-Papër, fshati Vidhas, mjeti tip ‘Opel’ me drejtues shtetasin N. N., 21 vjeç ka aksidentuar këmbësorin shtetasin B. B., 65 vjeç. Si pasojë e aksidentit, shtetasi B. B., ka humbur jetën në vendngjarje”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
