Edi Paloka, deputet i PD dhe kreu i Këshillit Kombëtar të kësaj partie, përmes një postimi në rrjetet sociale, shprehet se Kryeministri Edi Rama, zv.Kryeministri Arben Ahmetaj dhe kryebashkiaku Erion Veliaj, qëndrojnë pas aferës së inceneratorëve.
Paloka shkruan se si përfundim nga kjo aferë e hëngri vetëm Lefter Koka, ish-ministër i Mjedisit në qeverinë e Ramës, pasi spektaklin e drejtësisë së re e drejton vetë Kryeministri.
“Nëse ka ndonjë që mendon se nuk është Rama pas çdo spektakli të drejtësisë “të re” atëherë është më shume se naiv.
Rama ishte kryeministri i Lefter Kokës kur u zhvillua gjithë afera e inceneratorëve! Rama sot e kësaj dite kërcënon kryetarët e bashkive që ka emëruar vetë, që ti dërgojnë milionat tek Mërtiri.
Së fundmi, Rama edhe deputet në Durrës u bë me votat që bëri Lefter Koka e si përfundim e çoi pas hekurave pasi i mori dhe mandatin e deputetit që mos arrestohej si deputet i Ramës…
Rama, Veliaj e Ahmetaj janë në fakt koka e kësaj afere, po e hëngri vetëm Lefter Koka”, shkruan Paloka
