Ministria e Shëndetësisë njoftoi këtë të Martë se në Kosovë është regjistruar një i vdekur dhe tetë raste të reja me koronavirus, nga 1,742 testime.
Ministria njoftoi se në 24 orët e fundit janë shëruar edhe 16 pacientë.
Raste aktive me COVID-19 aktualisht janë 314 persona.
Sa i përket vaksinimit, në 24 orët paraprake janë administruar 2.892 doza të vaksinës kundër koronavirusit.
Që prej fillimit të fushatës së vaksinimit në fund të Marsit, deri më 14 dhjetor, sipas MSH-së, me dy doza të vaksinës janë imunizuar 773,633 persona, ndërkaq me një dozë 874,041 persona. Në Kosovë të drejtë vaksinimi kanë të gjithë personat mbi 12 vjeç. Në vend përdoren dy lloje të vaksinave, ajo e AstraZenecas dhe e Pfizer/BioNTech. Po ashtu, Kosova ka nisur edhe dhënien e dozave të treta dhe përforcuese të vaksinave kundër koronavirusit.
