“Miss India” Harnaaz Sandhu u emërua zyrtarisht “Miss Universe 2021”. Një përkrahëse e fortë për fuqizimin e grave, Sandhu merr frymëzim nga Priyanka Chopra. Në kohën e lirë, ajo e kalon me joga, vallëzim, gatim, kalërim dhe shah.
Përpara momentit fitues, konkursi i 70-të i “Miss Universe”, i cili u organizua nga Steve Harvey, paraqiti një segment rroba banje dhe fustan mbrëmje, si dhe një pjesë interviste për secilën prej garuesve.
Këngëtarja izraelite dhe ylli ndërkombëtar i popit, Noa Kirel dha gjithashtu një performancë në konkursin, shkruan People.
Konkursi ishte historik, pasi shënoi herën e parë që një delegate nga Emiratet e Bashkuara Arabe ka konkurruar ndonjëherë dhe hera e parë në më shumë se katër dekada që “Miss Universe Marocco” është rikthyer në konkurs.
