Lulzim Basha, i shkarkuar nga detyra e Kryetarit nga Kuvendi Kombëtar i 11 dhjetorit, vendim që nuk e njeh, vijon me lëvizjet e administratës në selinë e demokratëve.
Së fundmi, Basha ka vendosur shkarkimin e Etion Kapedanit si administrator të PD, edhe pse ai konsiderohej si një prej bashkëpunëtorëve besnikë, që nga koha kur Basha mbante postet ministrore në Qeverinë Berisha.
Në vend të kapedanit, Basha ka emëruar Albert Avdulajn, i cili mbante funksione në zyrën e organizimit dhe që konsiderohet si përgjegjës për ndërrimin e bravave të dyerve në selinë e PD.
Ditën e djeshme, kreu në detyre i FRPD, deputeti Belind Këlliçi, denoncoi faktin se brava e derës së zyrës së forumit rinor ishte ndryshuar, ndërsa nga zyra e tij i ishin marrë sende personale. Këlliçi madje bëri një denoncim edhe në Komisariatin nr 1 të policisë.
