Shtetin e Serbisë nuk e ka vizituar asnjë kryeministër britanik për më shumë se 41 vjet.
Këtë e ka bërë të ditur ministri i Jashtëm i Serbisë, Nikola Selakoviq, i cili gjatë takimit të sotëm në Londër të ministrave të jashtëm të Ballkanit Perëndimor, në një takim dypalësh me shefen e diplomacisë britanike, Liz Truss, ka diskutuar edhe për mundësinë e shkuarjes së saj në Serbi, që do të ishte vizita e parë e një ministri të punëve të jashtme të Mbretërisë së Bashkuar në Beograd pas pothuajse një dekade.
Blic.rs shkruan se Selakoviq e ka përcjellë edhe ftesën e hapur të presidentit të Serbisë, Aleksandar Vuçiq, dhe kryeministres, Ana Brnabiq, për vizitën e kryeministrit britanik, Boris Johnson, në Serbi, duke kujtuar se për më shumë se 41 vjet nuk e ka vizituar Beogradin ndonjë kryeministër britanik.
Kujtojmë se Margaret Thatcher ishte kryeministrja e fundit e Mbretërisë së Bashkuar që e vizitoi kryeqytetin serb.
