Një përleshje masive ka ndodhur mbrëmjen e së shtunës në stacionin e trenit Laufen në Zvicër. Ende nuk ka detaje se çfarë ka ndodhur, por aty janë përfshirë 100 persona që janë rrahur me njëri-tjetrin.
Sipas “Blick”, përleshja masive ndodhi të shtunën në mbrëmje rreth orës 20:00 në komunitetin e vogël midis Bazelit dhe Délemont.
Policia zvicerane thotë se rrahja erdhi si pasojë e një konfrontimi verbal mes dy grupeve rivale; por pas kësaj, debatet u pasuan nga përplasje të ashpra fizike. Përleshja ishte zhvendosur nga Eishalle në stacionin e trenit, e në momentin që në zonë mbërriti Policia, personat e përfshirë në konfrontim fizik janë larguar me shpejtësi në drejtime të ndryshme.
Policia nuk ka ende dijeni për arsyet që kanë çuar në përplasjen mes dy grupeve, ndërkohë që është në kërkim të dëshmitarëve.
Dyshohet se një mosmarrëveshje mes një 15-vjeçari zviceran dhe një 15-vjeçar shqiptar ka qenë arsyeja që ka nxitur sherrin. “Ishte për një grua – në fakt si gjithmonë” – tha një i ri për Blick.
Përleshja nisi “e drejtë”, por më pas shqiptari thirri shumë shokë, ku më i madhi ishte 30 vjeç.
