Lulzim Basha nga euforia, frika apo mbase dhe nga emocionet që e kanë rrethuar kohët e fundit pas përplasjeve në PD, sot gjatë konferencës me gazetarët ka bërë një gafë e cila më shumë se akuzë për ish-kryeministrin Sali Berisha, ishte goditje për vetë atë.
Ai akuzoi Sali Berishën për 21 janarin e 2011-ës, kohë kur ai vetë ka qenë ministër i Brendshëm gjatë protestës së dhunshme të opozitës që përfundoi me 4 të vrarë në Bulevard.
Ish-ministri i Brendshëm Lulzim Basha ishte autoriteti që kishte në vartësi si Gardën e Republikës ashtu edhe Policinë e Shtetit.
Ja çfarë tha deputeti Lulzim Basha:
“PD ka qenë dhe është e gatshme të përballet me çdo situatë. Në miniaturë Berisha kopjoi skenarin e Tom Doshit në 21 janar, por unë nuk u përgjigja, sic u përgjigj Berisha në 21 janar. Ne do ruajmë qetësinë, por do kemi vemndosmërinë për të ruajtur interesin e demokratëve, por duke mos lejuar asnjë horr, trafikant, asnjë hiç të vijë këtu për të marrë nëpërkëmbë dinjitetin e demokratëve. Për këtë të jeni të sigurtë. Ju e patë ndërkohë që ata bënin si gorilla jashtë ne vazhdonim mbledhjen. Ngutet frikacaku dhe ngutja e frikacaktut i ka kushtuar PD-së në 30 vite”.
