Shqipëria është përfshirë nga reshjet e shiut dhe borës, pothuajse në të gjithë territorin e vendit. Temperaturat e ulëta, i ftohti dhe ngricat ka sjellë një sërë problemesh me qarkullimin e mjeteve, energjinë elektrike, përmbytjeve dhe furnizimit me ujë.
Më poshtë ju sjellim një pasqyrë të gjendjes së gjithë vendit, mbi situatën aktuale.
GJIROKASTËR
Përroi i Çullos në lagjen Granicë të Gjirokastrës ka dale në sipërfaqe. Vërshimi i dheut në rrugë ka bllokuar qarkullimin e automjeteve. Nivelet e lumenjve janë pranë pikës kritike ndërsa Prefekti Odise Kote tregon situatën. “S’kemi dëme në njerëz toka kemi 17 ha toka të përmbytura këtu në Dervician”.
Në fshatin Dervician uji iu është afruar banesave.
ELBASAN
Banorët e Pishkashit në Librazhd janë vënë në alarm. Diga e Hecit “Lingajca” është çarë dhe disa banesa rrezikojnë të përmbyten. Ndërsa rënia e një masivi dheu ka bllokuar njërën anë të rrugës nga Shirgjani në Kacivel.
DIBËR
Në Qarkun e Dibrës trashësia e borës në zona si Kalaja e Dodës, Lura dhe Selishta i ka kaluar në 40 cm. Rrugët nuk janë bllokuar, por kalimi i automjeteve bëhet me zinxhirë. Zinxhirët janë të detyrueshëm dhe në rrugën e Arbrit në bay pasin e Qafës së Murrizit.
KUKËS
Ndryshe paraqitet situata në Kukës. Përshkak të borës qarkullimi i automjeteve në disa akse rrugore është i vështirë. Rruga drejt fshatit Arrën është e bllokuar.
Probleme me mirëmbatjen paraqiten dhe në segementin rrugor Fierz-Lekbibaj të Bashkisë Tropojë
Vlorë dhe Fier.
Për shkak të daljes së Lumit Vjosa nga shtrait, janë përmbytur tokat bujqësore dhe disa shtëpi.
Uji ka arritur gati në 1 metra ndërkohë që janë bllokuar rrugët dhe disa familje kanë mbetur të izoluar, pasi është e pamundur që të dalësh.
Si rrjedhojë e shirave të shumtë dhe njëkohësisht prurjeve të shumta të lumit Shushicë është rrëzuar edhe ura e fshatit Kallarat, ku disa familje kanë ngelur të izoluara.
-Aksi Peshkopi-Burrel-Tiranë është i kalueshëm pa probleme pasi gjatë gjithë natës kanë punuar 6 mjete borëpastruese.
-Ndërkohë kalohet me vështirësi me zinxhirë në bay-pasin e Murrizit, aksin Klos- Qafë Murrize-Tiranë për shkak se ka mbi 30 cm borë, edhe aty po punojnë 4 mjete borëpastruese.
-Aksi ura e Çerenecit-Klenjë-Librazhd kalimi bëhet me vështirësi me zinxhirë nga Klenja deri në Steblevë pasi trashësia e borës shkon në 80 cm.
Në aksin Qafë Bualli – Krastë kalimi bëhet me vështirësi me zinxhirë, ndërsa aksi Peshkopi – Kala e Dodës – Kukës kalimi është me vështirësi me zinxhirë, trashësia varion deri në 80 cm në pikën më të lartë të segmentit.
-Aksi Peshkopi – Qafë Draj – Kukës kalimi bëhet me vështirësi me zinxhirë
-Nga situata e vështirë me reshjet ka pasur probleme me energjinë elektrike, në disa Njësi Administrative, si Lura, Selishta, një pjesë e Kalasë së Dodës dhe Sllovës, Krastës, Ostrenit, Trebishtit dhe fshatrat e Tërnovës.
