Linda Halimi flet për operacionin e kryer në të pasme: I gjithë trupi ishte i fashuar

Këngëtarja e njohur shqiptare, Linda Halimi, iu nënshtrua pak kohë më parë një ndërhyrje estetke të quajtur BBL. Kjo ndërhyrje konsiston në heqjen e dhjamit të pastër nga zona e barkut dhe transferimin e tij në vithe.

Ndërhyrja e realizuar muaj më parë ka shkuar me sukses, teksa në një intervistë ka treguar detaje nga ky operacion. Halimi bëri të ditur se tri ditët e para ishin më të rënda, pasi ishte detyruar të qëndronte tërësisht e fashuar.

“Kam kaluar shumë mirë dhe nuk kam pasur asnjë dhimbje gjatë operacionit, mirëpo me qenë sa më e sinqertë dhe sa më e hapur, tri ditët e para e kam pasur shumë vështirë sepse kam qenë me fasha në të gjithë trupin”, ka thënë Linda.