Deputeti Ervin Salianji ka publikuar foto nga takimi i zhvilluar sot në selinë e PD me rastin e 31 vjetorit të themelimit të PD.
“Me demokratët” shkruan Salianji krahas fotove të kapura gjatë takimit të zhvilluar pak metra larg Kuvendit Kombëtar të Sali Berishës gjatë të cilit shkarkoi sekretarin e përgjithshëm të PD dhe 3 nënkryetarët e partisë. Ndërkohë në këto momente vijon numërimi i votave për shkarkimin e Bashës.
Ndërkohë që Basha ka thirrur mbledhjen e kryesisë së PD në orën 18:00.
Gjatë Kuvendit të Berishës po ashtu u vendos krijimi i një komisioni të përkohshëm për rithemelimin që do të përbëhet nga 29 anëtarë. Ky komision do të ketë kompetenca deri në Kuvendin e 22 Marsit që do të votojë rishikimin e statutit dhe zgjedhjen e organeve të reja të Partisë Demokratike.
