Mbi 4740 delegatë të Partisë Demokratike ndodhen në stadiumin “Air Albania”, atje ku po zhvillohet Kuvendi Kombëtar i PD, i thirrur nga ish-kryeministri Sali Berisha dhe i mbështetur nga delegatët.
Fillimisht u tha se të pranishëm mund të ishin 4500 delegatë, por numri i tyre është rritur ndjeshëm, dhe Kuvendit të PD, iu bashkuan edhe delegatët që më parë kishin thënë se do të ishin neutralë në përplasjet brenda Partisë Dmokratike.
Ish-Kryeministri Sali Berisha u shpreh entuziast, ndërsa tha se asgjë nuk pengoi dot djemtë dhe vajzat e lirisë, për tu bashkuar sot në rithemelimin e PD dhe pluralizmit shqiptar.
“Triumf i revolucionit paqësor dhe demokrat, nuk ka mesazh më të mirë se ata i dërgojnë miqve tanë konservatorë, Kosovës, shqiptarëve të Maqedonisë së Veriut dhe shqiptarëve kudo në Botë.
Lulzim Basha është një i pakallur, por do të jetë Kuvendi që sot do të marrë vendimet. Selia është e Partisë Demokratike”, tha Berisha.
