Në 24 orët e fundit Greqia ka regjistruar 4,761 të infektuar dhe 72 raste fatale nga koronavirusi. Ministria e Shëndetësisë në vend bën të ditur se prej rasteve të konfirmuara ditën e sotme, tetë janë evidentuar në pikat hyrëse të vendit.
Kurse, numri total i të infektuarve që nga fillimi i pandemisë shkon në 999,652, prej të cilave 50,5% janë meshkuj. Nga rastet e konfirmuara të 7 ditëve të fundit, 88 janë të lidhura me udhëtime nga jashtë dhe 2,921 janë raste kontakti.
Po ashtu, që nga fillimi i pandemisë vendi numëron në total 19,157 raste fatale, prej të cilave 95.3% kishin sëmundje shoqëruese ose/dhe ishin mbi 70 vjeç.
