Anëtar i Këshillit Kombëtar i PD-së, Aleksandër Biberaj, ka deklaruar se me ndryshimet statusore PD-ja ditën e sotme ka marrë në dorë fatet e vendet.
Gjatë një prononcimi, Biberaj tha se brenda pak pak muajsh do të zgjidhet kryetari i ri i Partisë Demokratike në zgjedhje të rregullta dhe demokratike.
“Është një fazë e re e PD, pati pjesëmarrje e delegatëve është të jashtëzakonshme. Sot PD merr fatet e vendit në duart e demokratëve pasi situata qeverisëse është shumë e vështirë”, tha fillimisht Biberaj.
I pyetur se çfarë do të ndodhë nëse Basha nuk njeh vendimet e këtij Kuvendi të thirrur nga Sali Berisha, Biberaj tha se “PD është një dhe e vetme, kanë kohë të reflektojnë ata që duan të japin kontributin e tyre pasi çdo demokrat është i mirëpritur në koalicion më të gjithë për të bërë rotacionin politik”.
“Do hapet gara për kryetar partie do të jetë një periudhë disa mujore, në fillim të vitit të ri do të kemi kryetarin e ri të PD-së. Mesazhet e mia janë gjithmonë për të bashkëpunuar me njëri-tjetrin, çdo gjë do të shkojë mirë do të kemi një lidership të mirë, sepse Shqipëria nuk mund të ecë me këtë sistem monist.
Vlerësoj që gara të jetë e hapur për cdo kandidat, doktor Berisha është vlerë e shtuar e PD do të ketë disa kandidatë për të zhvilluar një proces demokratik”, tha Biberaj.
