Sali Berisha, ish-Kryeministër dhe lideri historik i PD, ka artikuluar akuza të forta ndaj kreut të kësaj partie, Lulzim Basha.
Nga Kuvendi Kombëtar i PD, Berisha tha se Basha dorëzoi sovranitetin e PD për të shpëtuar kokën e tij.
“Ai është një burracak, që nuk kishte karakter të jepte dorëheqjen. Përjashtoi drejtues të PD nga funksionet drejtuese, sulmoi në mënyrë të verbër partnerët tanë të shkëlqyer.
Në 8 vite, Lulzim Basha e spostoi partinë e vlerave konservatore drejt të majtës, ai pushtoi hapësirat për pronarët dhe ish-të përndjekurit. Ai e ktheu PD në një fasadë të regjimit të Edi Ramës, sikundër u kujdes që të ruante marrëveshjen që kishte me kreun e meduzës.
Basha në 8 vite u mundua të krijonte Bashizmin në PD, por në fakt ngriti boshizmin. Ai certifikoi vrasjen e shpresës së shqiptarëve. Për të gjitha këto, demokratët iu bashkuan nismës shpëtimtare të Foltores dhe ata vendosën si njerëzit më të lirë të këtij vendi, të rithemelojnë forcën më të lirë, të rithemelojnë Partinë Dmokratike, që ne sot de juro e bëjmë realitet”, tha Berisha.
