Edhe delegatët e Matit akuzojnë Lulzim Bashën dhe Gazment Bardhin se u kanë falsifikuar firmat, duke iu lexuar emrat si delegatë të Kuvendit të 18 dhjetorit.
Emrat e lexuar nga Ina Zhupa janë mashtrim në një masë të konsiderueshme.
Kështu delegatët Akil Ceka, Myrvete Vata dhe Myrvete Shema mohojnë të kenë firmosur për Kuvendin e Bashës.
Ata janë shprehur se njohin vetëm 11 dhjetorin si Kuvend legjitim të PD, duke konfirmuar praninë nesër në Air Albania.
Ndërkohë, në listën e delegatëve të Matit është evidentuar edhe një skandal tjetër.
Një anëtare e grupseksionit nr.4 të qytetit të Burrelit është trajtuar si delegate nga Basha dhe Bardhi.
SYRI mësoi se Shpresina Këputa është anëtare e thjeshtë e këtij grupseksioni dhe si rrjedhojë nuk gëzon të drejtën e të qenurit delegat i Kuvendit Kombëtar.
