E pafatë mund të quhet Atalanta. Zikaltërit humbën finalen direkte me Villarrealin në shtëpi, ndeshje që duhej luajtur të Mërkurën por që reshjet e dëborës e shtynë për sonte.
Miqtë e nisën shumë mirë ndeshjen teksa shënuan dy herë shpejtë me Danjuma në 3’ dhe Capoue në 42’ ndërsa nuk kuptohet zgjedhja e Gasperinit për të mbajtur Gjimshitin në stol dhe gabimin e korrigjon menjëherë në pjesën e dytë duke e aktivizuar mbrojtësin kuqezi në 46’.
Sërish në 51’ Danjuma ndëshkon bergamskët duke e çuar rezultatin në 3-0 por Atalanta nuk dorëzohet dhe në 71’ rihap ndeshjen me Malinkovskyn në 71’ dhe në 79’ Zapata ngushton rezultatin në 3-2.
Minutat e fundit janë dramatike dhe Gjimshiti me shokë kanë dy raste të pastra por nuk arrijnë të shënojnë duke humbur dhe tashmë e shikojnë veten në 1/16 e Europa League./
