Kryeministri britanik, Boris Johnson dhe bashkëshortja e tij, Carrie Johnson kanë mirëpritur në jetë fëmijën e tyre të dytë së bashku, një vajzë.
Zëdhënësja e çiftit, tha në një deklaratë: “Kryeministri dhe zonja Johnson janë të lumtur të njoftojnë lindjen e vajzës së tyre, të shëndetshme, e cila erdhi në jetë ditën e sotme në një spital në Londër. Si nëna ashtu edhe vajza janë mirë. Çifti falënderon ekipin e shkëlqyer të mjekëve për kujdesin dhe mbështetjen e tyre.”
Nuk dihet ende emri që çifti kanë zgjedhur për vogëlushen e tyre.
Kujtojmë se kryeministri britanik është baba i 7 fëmijëve. Ai ka katër fëmijë me ish-bashkëshorten Marina Wheeler, një fëmijë të lindur në vitin 2009 nga lidhja me Helen Macintyre, dhe dy fëmijë me bashkëshorten aktuale.
