Kreu demokrat Lulzim Basha po merr pjesë në një aktivitet të organizuar te ArTurbina lidhur me 31 vjetorin e lëvizjes studentore Dhjetor ´90.
Të pranishëm në aktivitet janë Preç Zogaj, pjesëmarrës në lëvizjen studentore, Mark Marku dhe Spiro Curraj gjithashtu studentë të Dhjetor ´90.
Aktiviteti u hap nga shkrimtarja Flutura Açka, deputete e PD, e cila prezantoi të ftuarit e veçantë, sikundër u shpreh se ndoshta 31 vite janë të mjaftueshme për të reflektuar.
Me një sallë të mbushur kryesisht me të rinj, duke dhënë mesazhin se Partia Demokratike duhet të besojë sa më shumë te rinia.
Preç Zogaj duke bërë një prezantim për veten tha se është themelues i orëve të para të themelimit të PD, sëbashku me Azen Hajdarin, Sali Berishën, Arben Imamin, Gramoz Pashkon.
Zogaj ka sjellë në vëmendje ngjarjet e 8 dhjetorit, të cilën e cilësoi si betejën më të madhe që ishte bërë kundër regjimit në 50 vjet komunizëm.
“Ata u nisën në një udhëtim të panjohur, aty fillon historia e Shqipërisë, aty nisi beteja me diktaturën, duke i bërë një shërbim të madh vendit, duke treguar drejtimin e ri të historisë së Shqipërisë”, tha Zogaj.
