Një aksident me pasojë vdekjen e një personi dhe plagosjen e një tjetri ka ndodhur këtë mbrëmje në Bulqizë.
Viktimë ka mbetur 17-vjeçari Florian Pupuleku pasagjer në mjet, ndërsa i plagosur rëndë ka mbetur shoferi 20-vjeçar E.T.
Njoftimi i Policisë:
Bulqizë/ Informacion paraprak
Rreth orës 17.00, në Trebisht, Bulqizë ka rënë disa metra poshtë rrugës një automjet dhe për pasojë dyshohet se ka humbur jetën shtetasi F. P., 17 vjeç, dhe është dëmtuar rëndë shtetasi E. T., 20 vjeç, i cili po merr ndihmë mjekësore në spital.
Grupi hetimor ndodhet në vendin e ngjarjes, vijojnë hetimet për zbardhjen e shkaqeve të aksidentit.
