Gjykata e Apelit ka vendosur të lërë në burg, Fredi Rrushin, i cili akuzohet për vrasjen e biznesmenit Ruzhdi Hoxha.
Ndërkohë, trupa gjykuese ka dhënë masën “arrest shtëpie” për vëllain e tij, Pajtim Rrushi.
Pak ditë më parë Fredi Rrushi kërkoi që të lirohej, duke pretenduar se nuk ka asnjë lidhje me vrasjen.
Në ankimim, ai pretendonte se me 43-vjeçarin ka qenë shok dhe s’ka pasur asnjë arsye që ta kryente krimin.
Sakaq, dyshohet se biznesmeni Hoxha u vra për shkak të prishjes së pazareve të drogës dhe borxheve që viktima u kishte vëllezërve Rrushi, raporton abcnews.
Grupi hetimor është i bindur se aty ka prova të rëndësishme për hetimin.
