Një histori e veçantë e një shqiptari u bë e ditur gjatë një procesi gjyqësor në Itali.
Sipas gazetës italiane ‘Il Resto del Carlino’, një shqiptar u dënua me 4 vite e 2 muaj burg pasi shiste kokainë.
Raportohet se Mario Beqiraj e kishte kthyer këtë në një biznes familjar, ku kishte përfshirë gruan e tij, Manuela Beqiraj.
Kjo e fundit jetonte në Rimini bashkë me tre fëmijët.
Por në ‘biznesin’ e shpërndarjes së kokainës ishte e përfshirë edhe e dashura e Marios, që jetonte në Pesaro.
Gruaja e Marios u dënua me 2 vite burg me gjykim të shkurtuar. Ajo është në arrati dhe mendohet se ndodhet në Shqipëri.
Edhe e dashura kishte kërkuar një gjykim të shkurtuar. Përpara gjykatës ka dalë edhe vëllai i Marios, Albano, bashkë me gruan e tij.
Në bandën e familjes ishte përfshirë edhe një italian, që u dënua me një vit burg.
