Real Madrid-Inter përballen sot në “Santiago Bernabeu” për të diskutuar se kush do të mbajë kreun e grupit, pasi të dy ekipet kanë siguruar kualifikimin për fazën tjetër.
Real Madrid i mjafton edhe një barazim, i cili nuk duket i vështirë për t’u arritur edhe pse Ancelotti pritet të bëjë rotacion në formacion, ndërsa Inzaghi pritet të hedhë të gjithë arsenalin e rëndë në fushë.
Në përballjen e sotme, Reali nuk ka në dizpocion 3 lojtarë, Ceballos, Bale dhe Benzema, ndërsa Inzaghi do të duhet të bëjë pa, Darmian, De Vrij, Correa, Kolarov dhe Ranocchia.
I detyruar edhe nga mungesa e Benzema, Madridi pritet të vijë me një sulm të freskët si Asensio – Jovic – Rodrygo, duke lënë kështu pushim edhe Vinicius JR i cili i ka luajtur të gjitha ndeshjet deri më tani.
“Zikaltërit” në krahun tjetër do të kenë në vijën e parë të sulmit dyshen më të mirë, Martinez – Dzeko.
