Një aksident me vdekje ka ndodhur mëngjesin e kësaj të Marte në vendin e quajtur “Bishti i Zhurit” në Kavajë.
Drejtuesi i një motoçiklete ka humbur jetën pas përplasjes me një automjet.
Policia njoftoi se rreth orës 09:40, “në autostradë, në vendin e quajtur ‘Bishti i Zhurit’, mjeti me drejtues shtetasin R.H., ka aksidentuar motomjetin me drejtues shtetasin S.G., 66 vjeç”.
Si pasojë e aksidentit, shtetasi S.G., ka humbur jetën në vendngjarje.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
