Mamaja e modeles Oriola Marashi, Xhoi Jakaj, e ftuar në emisionin “Wake Up”, komentoi ngjarjet më të fundit në “Big Brother VIP”.
Gjatë bisedës në studio ajo tha tre ambientet në të cilat njeriu dashuron më shpejt.
“Në luftë kur gjithçka është në një farë forme luftë, në burg kur gjithçka është e izoluar dhe ti nuk ke shanse që të kesh kontakte me botën e jashtme dhe në ‘Big Brother’. Kjo e fundit i ngjan shumë një burgu por që ka kushte dhe që po luftohet për një shumë që është e konsiderueshme për një person që mund ta fitojë dhe që i zgjidh disa gjëra të jetës”– tha Jakaj.
E pyetur nëse Oriolës i ka ardhur ndonjë ftesë për në “BB VIP”, Xhoi tha se i kishte shkuar por që kishte refuzuar se nuk kishte kohë.
