Zëdhënësi i Presidentit të Shqipërisë, Tedi Blushi ka bërë me dije se nesër kreu i shtetit Ilir Meta, do të mbajë një qëndrim zyrtar për vendimin e Gjykatës Kushtetuese që njeh zgjedhjet e 30 Qershorit.
”Sot në mesditë ka mbërritur në protokollin e Institucionit të Presidentit të Republikës njoftimi i Gjykatës Kushtetuese për vendimmarrjen e saj për çështjen e zgjedhjeve vendore 2019”,shkruan Blushi në facebook.
Nga ana tjetër, janë 6 bashki që janë pa kryetar, por me të emëruar në këto poste.
Mesazhi i plotë nga Zëdhënësi i Presidentit, Tedi Blushi
Sot në mesditë ka mbërritur në protokollin e Institucionit të Presidentit të Republikës njoftimi i Gjykatës Kushtetuese për vendimmarrjen e saj për çështjen e zgjedhjeve vendore 2019.
Në respekt të transparencës dhe për rëndësinë e veçantë, që ka kjo çështje për të gjithë qytetarët, brenda ditës së nesërme Institucioni i Presidentit të Republikës do të ketë një qëndrim zyrtar, që do ta bëjë publik për opinionin vendas dhe ndërkombëtar.
