“Kemi kryer mardhënie një herë, shtatë vjet më parë… Për një kohë të gjatë e kishe varrosur historinë në zemër, pasi nuk kishe ndërmend të merrje asnjë përgjegjësi. Por atëherë pse erdhe të më kërkosh sërish, të më marrësh në shtëpinë tënde dhe më kërkon të bëj seks me ty?”.
Është një fragment nga postimi publikuar më datë 2 nëntor, hequr më vonë nga rrjetet sociale – nga tenistja kineze Peng Shuai, e cila denoncoi sulmin seksual nga ish-kryeministri kinez Zhang Gaoli.
Në postimin, të cilin disa ndjekës të Peng Shuai-t arritën ta fotografonin përpara se ta hiqte censura kineze, tenistja e zhdukur prej ditësh nga skena publike, tregon për makthin e saj.
“Nuk kam asnjë provë dhe ishte e pamundur të mbaja diçka të asaj që ndodhi. Atë pasdite, në fillim ju thashë jo dhe shpërtheva në lot. Kam darkuar me ty dhe me bashkëshorten tënde, Kang Jie. Pas darkës, thatë se nuk më kishe harruar kurrë në ato shtatë vjet dhe se duhet të sillem mirë me ty. U ndjeva e pushtuar nga paniku, por u dorëzova. Po, bëmë seks.”
Pas ditësh pa lajme për të, Peng Shuai u rishfaq në publik në videokonferencë me presidentin e Komitetit Olimpik Ndërkombëtar (IOC) Thomas Bach duke e qetësuar atë për gjendjen e saj: “Jam mirë dhe e sigurt, dua respekt për privatësinë time”. Një rrethanë që nuk bindi aq shumë sa WTA, shoqata që mbledh të gjithë tenistët, ka njoftuar “pezullimin e menjëhershëm” të të gjitha turneve në Kinë dhe Hong Kong.
