Pesë persona u gjetën të vdekur në një shtëpi në jug të Berlinit në Gjermani. Sipas prokurorisë së Cottbus, viktimat janë dy të rritur të moshës 40 vjeç dhe tre fëmijë të moshës 4, 8 dhe 10 vjeç.
Siç shkruajnë disa media vendase, familja ishte në karantinë, ndërsa në trupin e tyre policia ka konstatuar plagë nga goditjet me thikë dhe plumba.
Hetuesit kaluan shumë orë në vendngjarje për të mbledhur gjetje që mund të shpjegonin diçka më shumë në orët ose ditët e ardhshme. Nuk është ende e qartë nëse autori i masakrës është mes viktimave apo vrasësi është dikush nga jashtë.
Tragjedia padyshim tronditi komunitetin e vogël lokal.
