VIDEO/ Muzhaqi nuk ndalet me gafat, tani nuk di kë ka prindër

Bora Muzhaqi, një prej ministreve të Qeverisë Rama, duket se nuk ndalet në gafat e saj. Së fundmi, Muzhaqi ka bërë një lëmsh me një fjali, duke ngritur dyshime për prindërit e saj.

“Babain tim e kam parë vetëm një herë që të lotojë, kur ka takuar prindërit e mi në gjimnaz”, shprehet Muzhaqi.

Muzhaqi edhe më herët ka tërhequr vëmendjen me gafat e saj, që nisin që kur ishte kandidate për deputete. Në një prej fjalimeve që mbante në prani të Edi Ramës, Muzhaqi vendosi të lexojë me përpikmëri fjalimin në telefon, madje ashtu siç e kishte shkruar me gjithë gabimet.

“Kur Edi Rama dhe Partia socicialiste në vitin 2013 fitoi zgjedhjet dhe bëri një ftesë, dhe unë zgjodha të kthehem në Shqipëri. Zgjodha vëndin kur njerëzit flasin gjuhën e nënnës, Ja ku jam sott, më e rritur, ku dhe jap koohnrihbutin tim. Është fitorja e brezit tim, ku pakënaqësinë legjiitime e fitojnë me punë jo me kafeee, me angazhim jo me llaffee, me këmbëngulje, jo me shahhrje“- ka thënë ajo.

LEXO EDHE  Zgjedhjet e pjesshme në Lushnje, ja kandidatët e mundshëm nga mazhoranca dhe opozita

Ndërkohë në Kuvend, Muzhaqi duke cituar një proverb, sipas saj anglez, me të cilin ajo nuk qe dakord, ministrja e re ngatërroi fjalën shihen me *ihen.

Por kjo nuk ishte gafa e vetme e ministres së Ramës.

“Mendova se nuk do kisha emocione tani që do flisnim se është ora 1 e natës, por çuditërisht përgjegjësia që vjen me pozicionin krijon gjithmonë emocione të paktën për mua”, tha ajo, ndërkohë që ora shënonte 02:00.

Më tej, tha se “fëmijët janë e ardhmja e Shqipërisë dhe vetëm ata mund ta ngrinë këtë vend në lartësinë që ne mendojmë se ky vend meriton”.

“Prandaj ne si qeveri e ju zotëri që qeshni si parlament, (i drejtohet Gjekmarkaj) kemi për detyrë të kërkojmë më shumë nga vetja. Dua t’ju rikujtoj dhe një shprehje që e marr gjithmonë me vete – trupi i shëndoshë (qesh) … mendja e shëndoshë në trup të shëndoshë…”, tha ajo.