Gjykata Kundër Krimit të Organizuar dhe Korrupsionit ka dënuar me 18.4 vite burgim dy të akuzuarit për 137 kg kokainë që u kapën në Portin e Durrësit në vitin 2019.
Altin Myslihaka u dënua përfundimisht me 10 vjet burgim nga 15 vjet pasi përfitoi nga gjykimi i shkurtuar. Ndërsa Adrian Bega u dënua me 8.4 vite burg nga 12.6 duke përfituar edhe ky nga gjykimi i shkurtuar.
Në kërkim për këtë ngjarje është Gentian Malindi, i akuzuar si organizator për porosinë e kokainë nga Ekuadori.
Pakot me kokainë ishin ndaluar fillimisht në Portin e Pireut nga autoritetet greke në bashkëpunim me DEA-n amerikane. Aty kokaina u zëvendësua me oriz nga policët grekë dhe vendosën GPS në konteiner.
Pas mbërritjes në Portin e Durrësit, dy personat që u arrestuan në pritje të ngarkesës ishin Altin Myslihaka dhe Adrian Bega, ndërsa Malindi u arratis.
