Një aksident automobilistik me 6 të plagosur ka ndodhur mëngjesin e sotëm në aksin nacional Korçë-Pogradec, në afërsi të Velitërnës.
Sipas policisë, janë përplasur një mjet tip furgon me një automjet tjetër.
“Rreth orës 08:55, në aksin rrugor Korçë-Pogradec, pranë fshatit Velitërnë-Maliq, janë përfshirë në aksident mjeti tip furgon ‘Benz’, me drejtues shtetasin E. D., me një mjet tjetër tip ‘Benz’, me drejtues shtetasin G. K. Për pasojë janë dëmtuar drejtuesi i automjetit shtetasi G. K., si edhe 5 pasagjerë që udhëtonin me mjetin tip furgon, të cilët u dërguan për mjekim në spital”, njoftoi policia.
Grupi hetimor po punon për sqarimin e rrethanave të aksidentit, shtuan të njëjtat burime.
