Komiteti Teknik i Ekspertëve do të mblidhet ditën e sotme për të bërë një analizë të situatës epidemiologjike në vend deri më tani. Mbledhja e Komitetit të Ekspertëve pritet të mbahet në orën 14.00.
Në një kohë kur varianti i ri i koronavirusit “Omicron” ka alarmuar autoritetet e shëndetit në të gjithë botën, nuk dihet ende nëse do të ketë një shtrëngim të masave.
Ministrja e Shëndetësisë Ogerta Manastirliu deklaroi të Mërkurën se për momentin nuk ka asgjë për tu shqetësuar.
Raportohet se Komiteti Teknik ka vendosur që doza e tretë përforcuese të bëhet për çdo qytetar të grupmoshës +18 vjeç, 6 muaj pasi ka bërë dozën e dytë.
Masat e tjera në fuqi nuk pritet të ndryshojnë.
