VIDEO/ PD e Gjirokastrës publikon emrat e delegatëve që kanë firmosur për 11 Dhjetorin

Dega e Partisë Demokratike në Gjirokastër ka bërë publike këtë të Mërkurë emrat e delegatëve që kanë firmosur për zhvillimin e Kuvendit Kombëtar të Partisë Demokratike, më 11 Dhjetor.

Sipas të dhënave, janë 100 firmëtarë ose 67% e delegateve që kanë firmosur për 11 Dhjetorin. 12 delegatë janë në emigracion dhe 39 nuk kanë firmosur.

Drejtues të degës së PD-së Gjirokastër lexuan ditën e sotme emrat e firmëtarëve për zhvillimin e Kuvendit Kombëtar të Partisë Demokratike më 11 Dhjetor.

LEXO EDHE  Qëllohen me armë zjarri dy shqiptarë në Greqi

“Nga 151 delegatë që ka lista kanë firmosur 100 veta, 67 përqind. Në emigracion 12 persona dhe nuk kanë firmosur 12 persona”, u tha në njoftimin për mediat.

Më herët gjatë ditës, PD e Paskuqanit njoftoi se 85% e delegatëve kanë firmosur për Kuvendin e 11 Dhjetorit. Më herët, edhe degë të tjera të Partisë Demokratike kanë zbardhur emrat e firmëtarëve për arsye transparence.