Milani bën një reagim të forte pas dy humbjeve radhazi në Serinë A. Kuqezinjtë në transfertën me Genoan fituan me rezultatin e thellë dhe të pastër 3-0 duke dhënë një prove karakteri që shuan edhe dyshimet për formën e tyre.
Ishte Zlatan Ibrahimoviç që hapi serinë e golave me një perlë nga goditje dënimi në 10’ teksa në fund të pjesës së pare ishte Messias që me një gol me kokë dyfishoi rezultatin.
Pjesa e dytë foli sërish më shumë për ekipin e Piolit që sërish me Messias gjen edhe golin e tretë dhe final të ndeshjes, sukses ky që qetëson tifozët dhe trajnerin Pioli.
Ndërkohë Napoli kryesues ruan vendin e pare në tabelë por u ndalën dhe vuajtën me një ekip si Sassuolo që pak ditë më pare mposhtën pikërisht Milanin e vendit të dytë teksa rezultatin final ishte 2-2 me një fund dramatik.
Pas një pjese të pare të ekuilibruar dhe me pak raste, fraksioni i dytë i ndeshjes dhuroi shumë emocione ku dy gola të shpejtë nga Rui në 51’ dhe Mertens në 59’ shokuan vendasit. Këta të fundit nuk u dorëzuan dhe fillimisht me Scamaccan në 71’ dhe pak para fundit të ndeshjes në 89’ me Ferrarin arritën të barazonin një ndeshje shumë emocionuese. Gjithsesi Napoli në vend të pare mbetet por me një pike më shumë se Milani dhe 2 pikë më shumë se Interi.
