Gjykata e Apelit Durrës ka vendosur të lërë në fuqi masën e sigurisë arrest në burg për agjentin e policisë “Fast Albania” Sokol Fana, që i kërkoi 7 mijë euro shtetasit K.H, në këmbim të mos arrestimit.
Polici, Sokol Fana, akuzohet për “Mashtrim” dhe “Shpërdorim detyre”.
Gjykata e shkallës së parë Elbasan kishte vendosur si masë sigurie arrest në burg për policin.
Agjenti 26-vjeçar i policisë u arrestua në fillim të muajit nëntor, ndërsa ai mashtroi shtetasin K.H se ishte i shpallur në kërkim për llogari të drejtësisë italiane.
Shtetasi K.H, verifikoi se nuk ishte aspak në kërkim, ndaj njoftoi policinë arrestoi në kushtet e flagrancës Sokol Fanën.
