Drejtori i shkollës ‘Yll Morina’ në Gjakovë ka raportuar në polici se ka marrë një telefonatë kërcënuese nga një prind i një nxënësi.
Mediat vendase njoftojnë se drejtori i shkollës ka deklaruar se prindi i një nxënësi e kishte sharë atë, duke e kërcënuar se do ta vrasë.
“Datë 01.12.2021 rreth orës 16:00 , ankuesi drejtor i shkolles “Yll Morina” – Gjakovë, njofton se permes telefonit ishte kanosur nga një prind i nje nxensi. Ankuesi deklaron se prindi i nxensit e kishte kanosur permes telefonit po ashtu edhe ofenduar me fjale “ta q….. familjen,nonen dhe baben,vi aty te mbys,ki me pa qka ka me te gjete””, ka thënë Nusret Gjurkaj, zëdhënësi i Policisë së Kosovës
Mësohet se prindi është proceduar penalisht për ”Kanosje”.
