Rrahën për vdekje Ilia Karelin/ Apeli i Selanikut ul dënimin për ish-gardianët e burgut në Greqi

Gjykata e Apelit të Selanikut, ka lehtësuar dënimin e 12 ish-gardianëve të burgut të Nigritës në Greqi, të cilët rrahën deri në vdekje shqiptarin e burgosur, Ilia Kareli në 2014.

Vendimi është marrë mesditën e sotme, sipas mediave greke, ku gjykata i ka gjetur ata fajtorë për ngjarjen, por ka ulur dënimin e shkallës së parë në 3 vite burg.

LEXO EDHE  Luftë shqiptarësh për tregun e dr*gës në Romë/ Arrestohen 27 persona

Gjykata vendosi duke marrë parasysh raportet e administratës së burgut për sjellje të mirë të ish-gardianëve të dënuar, gjë që bëri që ajo të prishte vendimet nga 5 deri 7 vite burg për secilin prej tyre. Ish-gardianët u shpallën fajtorë për torturimin deri në vdekje të të burgosurit shqiptar Ilia Kareli.