Policia e Shkodrës ka dhënë detaje lidhur me plagosjen e ish-Kryekomunarit Pashko Ujka. Nga raportimet mësohet se ndaj 64-vjeçarit është qëlluar me armë me silenciator, ndërsa ai sapo kishte dalë nga banesa.
Mësohet se Ujka ka marrë një plumb në shpinë, çka do të thotë se autori ka qëlluar pas shpine.
Shkodër/ Informacion paraprak
Rreth orës 18:15, në lagjen “Vasil Shanto” Shkodër, në rrethana ende të paqarta është plagosur me armë zjarri shtetasi P. U., 64 vjeç, i cili ndodhet në spital nën kujdesin e mjekëve.
Në vendngjarje kanë mbërritur menjëherë shërbimet e Policisë dhe vijon krehja e zonës me qëllim kapjen e autorit.
Grupi hetimor nën drejtimin e Prokurorisë po vijon punën për sqarimin e rrethanave dhe zbardhjen e ngjarjes.
