Deputeti Enkelejd Alibeaj ka deklaruar mbrëmjen e sotme se është dramatike fakti që në vendin tonë krimi nuk ka asnjë lloj frike ndaj shtetit.
I ftuar në Open, Alibeaj u shpreh se në Shqipëri këmbza e armës tërhiqet shumë lehtë, duke shtuar se policia nuk bën asgjë për të ndalur ngjarjet kriminale, por thjesht është kthyer në shërbim funerali.
Enkelejd Alibeaj: Ngushëllime familjareve. Policia është kthyer në shërbim funeral . Shkon e mbledh viktimat dhe asnjë veprim për të ndaluar ngjarje të tilla, aq më tepër kur ka 2-3 tentativa të mëparshme për atentat ndaj personit në fjalë. Lehtësia me të cilën tërhiqet këmbza e armës në këtë vend. Asnjë lloj frike ndaj ligjit, institucioneve. Kjo është dramatike.
