Vijojnë përplasjet dhe akuzat në distancë mes Partisë Demokratike dhe Lëvizjes Socialiste për Integrim. Debatet përfshijnë drejtuesit aktualë të dy partive, që akuyojnë njëri-tjetrin lidhur me humbjen në zgjedhjet e 25 prillit.
E ndërsa, Sekretari i Përgjithshëm i PD-së, Gazment Bardhi ka hedhur akuza ndaj kryetares së LSI, Monika Kryemadhi, ka reaguar Sekretari i Përgjithshëm i kësaj partie, Endrit Braimllari.
Nga studion e Ora News, Braimllari tha se e kuptonte sikletin që ka Bardhi sepse ai ka mbi supe një ngjarje shumë të rëndë në Elbasan.
“Është humbja e jetës së një qytetari dhe sot ai duhet të ishte para drejtësisë për këtë çështje, duhet të kishte lënë mandatin e deputetit. Është pikërisht kjo ngjarje e rëndë ku humbi jetën një qytetar e cila shkatërroi fushatën e opozitës. Demotivoi votuesit, frikësoi votuesit në qarkun e Elbasanit, por dhe në gjithë Shqipërinë”, shprehet Braimllari.
